Unha das épocas máis agardadas do ano está a piques de chegar. O entroido quenta motores en moitos puntos da comarca e no caso da Pobra do Caramiñal virá acompañado dunha ampla programación que se vivirá polas rúas do municipio do 9 ao 18 de febreiro. O vindeiro venres arranca co espectáculo itinerante de Sarao e seguirá coa festa de disfraces na praza Alcalde Segundo Durán. O sábado as rúas volverán a ser protagonistas con Troula e Caña Aquí e o domingo será o día dos máis pequenos.

