Hoxe arrancou a colocación de 1.242 puntos laranxas contra o acoso escolar, coincidindo co Día Internacional da Educación. Con esta iniciativa que chegará nas vindeiras semanas a todos os colexios e institutos públicos de Galicia búscase que as contornas escolares sexan seguras, inclusivas e respectuosas e que os centros escolares conten cos recursos necesarios para poder previr, identificar e actuar ante estas situacións.

