Os datos do paro coñecidos hoxe amosan un bo comportamento en Galicia, que superou ao Estado na baixada do desemprego tanto na comparativa anual como na mensual. É a terceira comunidade con maior descenso en termos porcentuais con respecto a outubro e a cuarta en comparación co mesmo período de hai un ano. A conselleira de Promoción do Emprego, Elena Rivo, destacou a evolución dos datos en novembro sendo neste 2023 cando se rexistrou o mellor dato dende 1996.

