O trofeo da XXXI Copa Galicia chegou a Noia e xa non se moveu de aí. O Noia Portus Apostoli medíase ao Lugo Sala na final que se disputou no Agustín Mourís e que foi unha festa para o futsal galego. A afección noiesa respondeu e houbo un cheo no pavillón, escenario ideal para que os brancos gañaran por segunda vez consecutiva este torneo. Os xogadores adestrados por Marlon Velasco amosaron as súas armas desde o comezo do choque e se fixeron coa vitoria ao superar os lugueses por 5-1.
