Houbo que agardar 3 anos, pero logo do paso da pandemia, a Xunta Local de Ribeira da AECC volveu a organizara súa gala solidaria. A resposta da veciñanza foi incrible xa que 400 persoas encheron o gran salón do restaurante Chicolino, que acolleu esta velada. O máis importante da noite foi a loita contra o cancro, algo que quedou patente dende o comezo da gala. Tamén estivo moi presente a emoción, sobre todo cos recoñecementos. Abraham Benítez recolleu o premio ao voluntariado pola súa estreita colaboración coa asociación durante anos.
