O Salón de Plenos do Concello da Pobra acolleu esta mañá a derradeira sesión do ano. Foi un pleno extraordinario marcado pola ausencia dos concelleiros populares Manuel Durán e María González, ademais da concelleira de Nós Pobra Genoveva Hermo e do alcalde, Xosé Lois Piñeiro,polo que estivo presidido pola primeira tenente de alcalde, Amparo Cerecedo. Nesta último pleno do 2022 tratáronse dous puntos. O primeiro foi a aprobación do expediente para a remunicipalización do Servizo de Axuda no Fogar, o último paso administrativo para facer do SAF un servizo público.

