Premiar as boas practicas ambientais e de protección e conservación da paisaxe é algo que a Consellería de Medio Ambiente comezou a facer no 2020. Nesta terceira edición da Bandeira Verde distinguíronse 15 municipios, tres deles da comarca. Son Muros e Ribeira, que se suman por primeira vez, e Porto do Son, que repite logo de obtela no 2021. A alcaldesa de Muros, Inés Monteagudo, destacou o recoñecemento que implica contar con este distintivo.
