O pazo de Goiáns abriu de novo as súas portas o pasado mes de maio logo de varios anos de traballo por parte do Goberno local. O Executivo boirense segue dando pasos na rehabilitación de todos os edificios que se integran no pazo e vén de concretar un importante na capela. A Deputación da Coruña e o Concello investirán 110.000 euros para frear o actual deterioro que está a sufrir esta infraestrutura que foi fundada no 1630.
