O presidente da Xunta, Alfonso Rueda, avanzou que o Goberno galego investirá o maior presuposto da historia nun proxecto de país que xere oportunidades e certezas ao conxunto da cidadanía galega. Nunha comparecencia no Parlamento de Galicia na que adiantou as liñas mestras dos Orzamentos Xerais para o 2023, Rueda anunciou, entre outras medidas, que o Executivo autonómico vai aplicar con efectos inmediatos unha deflacionista do IRPF nos seus primeiros tramos, ata os 35.000 euros, con efecto retroactivo desde o 1 de xaneiro.
