Poder pescar indistintamente da zona pesqueira na que se atope cada barco. Esta é a demanda que a asociación Cerqueiros Galegos vén de transmitir ao Ministerio de Pesca e á Consellería do Mar a través dun escrito ao presidente das confrarías Españolas, Basilio Otero. O cerco galego conta con dúas areas de actuación: a 8c que vai de Fisterra ao golfo de Biscaia, e a 9a que vai de Fisterra ao Golfo de Cádiz, e queren poder pescar nas dúas.
