O salón de Plenos da Pobra do Caramiñal acolleu onte a celebración dunha sesión plenaria, extraordinaria na que se debateu a proposta orzamentaria do Goberno local para este 2022. O documento recollía unha cifra das mais altas que se recorda no concello: 11.504.143 euros. Neles se contemplan diversas propostas, como a compra da casa da Cadea, a construción do edificio de usos náuticos, investimentos en centros sociocomunitarios ou na promoción da igualdade.
