20 noviembre, 2026

O HOSPITAL DO BARBANZA CONTARÁ CUN NOVO EQUIPAMENTO PARA A ÁREA DE ENDOSCOPIAS GRAZAS A UN INVESTIMENTO DE 400 MIL EUROS POR PARTE DA XUNTA

A Xunta de Galicia ven de finalizar o proceso de adxudicación da compra do equipamento tecnolóxico e de mobiliario para a nova área de endoscopias do hospital da Barbanza, na área Sanitaria de Santiago de Compostela e Barbanza. Esta actuación, que conta cun orzamento global de 600.000 euros para equipamento tecnolóxico, mobiliario e obra suporá unha gran avance na atención sanitaria aos doentes do distrito sanitario da Barbanza e máis comodidade para profesionais e usuarios. Á mellora tecnolóxica que supón, engádese o incremento substancial da superficie dedicada á realización de endoscopias dixestivas.
O lote integrado polo Sistema de Endoscopia dixestiva está conformado por unha torre de endoscopia dixestiva e os equipos de reprocesamento consistentes en 2 lavadoras que teñen como fin a desinfección dos endoscopios e tamén conta cun armario de secado e almacenamento esterilizado dos endoscopios unha vez desinfectados na lavadora, ademais de 4 monitores multiparamétricos de última xeración. A adquisición da alta tecnoloxía engádese á compra do mobiliario, xa instalado na unidade.
Esta melloras véñense sumar ás obras acometidas no servizo de urxencias do hospital da Barbanza que supuxeron un incremento dun 40 % da súa superficie grazas a un investimento de 1.7 millóns de euros, entre outras melloras no centro.

Related posts

O MEXILLÓN REDUCE A SÚA CALIDADE DESPOIS DO VERÁN

CloudyX

A FEDERACIÓN GALEGA DE NATACIÓN BUSCA LÍDER

CloudyX

OS EQUIPOS DE EMERXENCIAS DA COMARCA INCREMENTAN AS SÚAS SAÍDAS POLAS INCIDENCIAS REXISTRADAS CO ARRANQUE DO MAL TEMPOOS EQUIPOS DE EMERXENCIAS DA COMARCA INCREMENTAN AS SÚAS SAÍDAS POLAS INCIDENCIAS REXISTRADAS CO ARRANQUE DO MAL TEMPO

CloudyX