O vicepresidente segundo e conselleiro de Presidencia, Xustiza e Deportes, Diego Calvo, e a conselleira do Mar, Rosa Quintana, visitaron hoxe a empresa Actemsa, dedicada principalmente á importación e exportación de peixe conxelado. Alí puxeron en valor o potencial da industria galega de transformación de produtos do mar, da que forma parte esta empresa, e manifestaron a preocupación de Galicia pola exclusión deste sector do Perte Agroalimentario.
