Segundo o dato adiantado do IPC proporcionado polo Instituto Nacional de Estatística (INE), a inflación subiu durante este mes de xuño ao 10,2 % en taxa anual. Trataríase do nivel máis alto en 37 anos, desde abril de 1985. Este incremento tan notable do IPC débese principalmente ao encarecemento dos carburantes e dos alimentos e bebidas non alcohólicas. Os veciños do Barbanza notan a subida sobre todo na cesta da compra.
