A conselleira de Infraestruturas e Mobilidade, Ethel Vázquez, mantivo unha xuntanza da Mesa do Diálogo do Transporte de Mercadorías por Estrada de Galicia. Nese encontro participaron tamén os representantes das federacións de transportistas por estrada, dos cargadores, dos intermediarios e o Clúster da Función Loxística de Galicia. Tras a reunión, Vázquez apuntou que o Goberno galego reforzará a Xunta Arbitral de Transportes atendendo ás demandas do sector, co que comparte a reclamación ao Goberno de España de medidas eficaces para facerlle fronte á escalada de prezos dos combustibles.
