A comarca confirma a súa mellora ao rexistrar o pico máis baixo de covid desde xullo, aínda que catro concellos repuntan. En Galicia a cifra de positivos redúcese ata os 9.284

A quinta onda da covid comeza a perder forza no Barbanza. Hoxe, rexistráronse as mellores cifras no que vai de tempada estival. A situación na maioría dos concellos é estable e está controlada, como é o caso de Lousame, que a día de hoxe mantense por debaixo dos 10 casos tanto a 14 como a 7 días, consolidándose así como un dos municipios que mellor está combatindo a enfermidade. A alcaldesa de Lousame fixo unha valoración positiva da situación que está atravesando o concello en relación á covid.