Os equipos Robot City Pobra e Robot City Pobra Junior da ANPA Bandaseca e Mega Builder Team, de Mega Ribeira, recibiron onte pola tarde as súas correspondentes medallas e trofeos logo dos recoñecementos acadados na sétima edición da First Lego League Galicia, impulsada pola Universidade da Coruña. Este ano contou coa participación dun total de 250 mozos e mozas de 34 equipos de toda Galicia que defenderon os seus correspondentes proxectos de robótica.
