A conselleira do Mar, Rosa Quintana, censurou hoxe no Parlamento a presentación do recurso contra o Plan Xeral de Explotación Marisqueira 2021-2023 por parte do Ministerio de Transición Ecolóxica e Reto Demográfico por invadir as competencias exclusivas de Galicia nesta materia. A titular de Mar lamentou que se trata dun novo ataque de moita gravidade contra o sector do mar da comunidade pois atenta contra o labor de preto de 9.000 profesionais do marisqueo.
