As traballadoras do Departamento dos Servizos Sociais do Concello da Pobra do Caramiñal achegáronse nesta mañá, acompañadas da edil da referida área, Amparo Cerecedo (BNG), ata as futuras dependencias onde desenvolverán o seu labor, situadas na planta baixa dun edificio fronte ao consistorio. Alí puideron comprobar in situ a evolución das obras do inmoble que, previsiblemente, quedará totalmente acondicionado en próximas datas e que abrirá as súas portas á veciñanza da Pobra no mes de febreiro.
