As persoas gañadoras do certame de relato curto e debuxo A nosa pegada no Nadal recibiron os seus premios na Pobra , consistentes en cadanseus dous vales de 30 euros para consumir en diferentes establecementos da vila. Así mesmo, tódalas persoas participantes recibirán un diploma como recoñecemento ao seu labor e esforzo. A entrega realizouse no Consistorio de xeito individual e sen público por mor da situación sanitaria derivada da COVID-19.
