O TSXG confirma a condena a prisión permanente revisable ao autor do asasinato de Diana Quer

A Sala do Civil e Penal do Tribunal Superior de Xustiza de Galicia desestimou o recurso interposto contra a sentenza da sección sexta da Audiencia Provincial da Coruña, con sede en Santiago, que, de acordo co veredicto do Tribunal do Xurado, condenou ao autor da morte de Diana Quer á pena de prisión permanente revisable e a dez anos de liberdade vixiada por cometer un asasinato con aleivosía, labor para ocultar outro delito e subseguinte a un delito contra a liberdade sexual da vítima, coa concorrencia da atenuante de confesión.