O Pleno do Concello de Noia aprobou esta mañá por unanimidade as propostas que se incluirán no Plan Provincial de Cooperación ás Obras e os Servizos de competencia municipal (POS + 2020). O tamén coñecido como Plan Único destinará 355.566 euros á mellora ambiental e canalización de augas pluviais na zona do Couto de Arriba (159.823 euros) e á dotación de bancadas para o campo de fútbol (195.743 euros).