Os setenta nenos e nenas que participan nos campamentos urbanos de conciliación programados polo Concello de Noia participaron nunha gran Festa da Escuma para despedir a primeira quenda de campamentos. A rapazada, de idades comprendidas entre os 4 e os 12 anos, desprazouse do IES Campo de San Alberto ata a Alameda de Noia, onde foron recibidos pola concelleira de Deportes e Mocidade, Laura Salgado, e onde tivo lugar a Festa da Escuma.
