Veciños e visitantes xa poden disfrutar dunha remozada senda peonil no entorno da praia de Pinisqueira, en Couso (Aguiño) despois de que o Ministerio de Medio Ambiente a través da Demarcación de Costas do Estado realizara uns traballos de conservación e mellora.
Esta acción conlevou un investimento de 47.840 euros, IVE incluído, e foi desenvolvida pola empresa Ecogarden Galicia S.L.
Ademais de traballos de conservación e mantemento, o proxecto incluíu o desprazamento dun tramo de 75 metros de pasarela que estaba moi exposto aos temporais a outro emprazamento máis seguro situado tamén dentro do dominio público marítimo-terrestre.