O Alonso Rodríguez abriu as portas o domingo para acoller o encontro da sexta xornada da Primeira División Masculina de baloncesto. O CB Noia recibía na casa á Sociedade Deportiva Tui, o líder do grupo Sur desta competición autonómica. Era un desafío para os locais, que chegaban a este encontro sen gañar ningún partido, e non puideron conter os pontevedreses que gañaron por 64-88.
