O Agustín Mourís recibirá todas as miradas xa que é a única pista na que se disputará esta fin de semana un encontro do Torneo Apertura da Liga Prime Futsal. O Noia Portus Apostoli recibe ao Palma Futsal mañá sábado neste adianto da oitava xornada da competición ligueira. E o fai logo de encaixar a súa segunda derrota seguida na pista do Magna Xota e de sumar a Charly na lista dos lesionados. Os noieses tampouco contarán para este duelo con Mykytiuk, Altamirano e Juampi Cuello, convocados polas súas seleccións nacionais.
