Nova fin de semana con fútbol nos campos da comarca. O Boiro afronta esta décima xornada cun reto importante: volver a gañar. E terá o mellor escenario posible xa que xoga na casa, co arroupo da súa afección. O conxunto adestrado por José Tizón terá que poñer toda a carne no asador para deixar os tres puntos na casa ante un rival da entidade do Arenteiro, que descendeu da Primeira RFEF á Terceira de forma administrativa por impagos e débedas.
