As boirenses viaxaron á Coruña coa intención de reencontrarse coa vitoria, pero o choque comezou a torcerse moi pronto. Cando apenas transcorreron tres minutos de xogo, Sara Barros adiantou ao conxunto coruñés.
A pesar do golpe inicial, a barbanzá Iria Otero conseguiu igualar o marcador no minuto 17. Porén, a reacción local foi inmediata e o Victoria B volveu poñerse por diante cinco minutos máis tarde, ampliando a vantaxe antes do descanso.
Na segunda metade, a efectividade das locais rematou por noquear ás boirenses. Con dous novos tantos case consecutivos no arranque da reanudación e un hat-trick de Sara Barros, as coruñesas pecharon a goleada cun definitivo 7-1.
Isto deixa á EFM Concello de Boiro apostrada na novena posición con 6 puntos e pensando xa no seu vindeiro compromiso, no que recibirá no campo de Vista Alegre ao Atlético San Pedro co obxectivo de sumar os tres puntos.
DURA XORNADA NA TERCEIRA FEDERACIÓN FEMENINA PARA A EFM CONCELLO DE BOIRO
