Unha das principais prioridades do executivo galego, tal e como afirma Alfonso Rueda, céntrase en responder á falta de vivenda e facilitar o acceso a fogares de calidade. No barrio vigués de San Paio de Navia está prevista a construción dun total de 1.600 inmobles públicos e protexidos, dos cales 927 xa están en marcha. As dúas promocións visitadas hoxe, que suman 84 vivendas, estarán rematadas nos vindeiros meses.
