A emoción do fútbol regresa con forza esta fin de semana aos campos da comarca. A Primeira Futgal vivirá a súa sexta xornada da competición na que os equipos da contorna enmarcados no grupo 5 terán desafíos de altura. O Cidade de Ribeira xogará ante os seus e intentará manter a súa xeira de triunfos, mentres que Unión e Abanqueiro veranse as caras no primeiro derbi da liga marcado pola urxencia de puntuar dos dous equipos.
