O IFEVI de Vigo acolle dende hoxe unha nova edición da Feira Internacional de produtos do mar conxelados, Conxemar. Esta mañá abriu as súas portas esta XXVII entrega desta cita marcada no calendario para empresas de diferentes sectores vencellados á pesca, á industria e á transformación. O presidente da Xunta, Alfonso Rueda, asistiu á inauguración e sinalou que se trata dun encontro clave ao ser un gran escaparate para consolidar a Galicia como unha potencia pesqueira e transformadora de produtos do mar.
