Finalmente esta fin de semana non houbo partido no Agustín Mourís. Estaba previsto que o Noia Portus Apostoli e o Barça se enfrontaran onte no encontro correspondente á cuarta xornada do Torneo Apertura da Liga Prime Futsal, pero o duelo tivo que adiarse. O choque estaba programado para as 12.30 horas de onte, domingo, pero a situación meteorolóxica e o risco de tormentas extremas en Cataluña provocaron a cancelación dos voos previstos no Prat. Isto impediu que o conxunto azulgrana puidera desprazarse a tempo a Galicia.
