Tras os recentes cortes de subministración que afectaron á poboación e ao polígono industrial, e ante as críticas recibidas dende a oposición por unha suposta falta de previsión, o executivo local defende a súa xestión apoiándose nos datos oficiais da Xunta e advirte da necesidade de extremar o coidado nos consumos.
O concelleiro de Urbanismo e Obras confirmou que Boiro se atopa entre os 74 concellos galegos en situación de seca prolongada, unha circunstancia meteorolóxica excepcional que xustifica os problemas de capacidade no abastecemento e coa que rexeita as acusacións políticas.
