A programación arrancou con gran afluencia na xornada do sábado, combinando a tradicional paellada e a sesión vermú coas rutas pola comarca e a espectacular exhibición de stunt a cargo de Rui Santos.
Xa pola noite, chegou o momento máis emotivo da concentración coa Ruta Nocturna das Antorchas e o Pasillo de Lume, unha especial homenaxe aos compañeiros caídos que deu paso a unha gran festa.
A cita moteira pechou o seu programa o domingo coa última ruta turística pola zona de Aguiño, con paradas en O Porto e a Illa de Monteagudo, antes do xantar de confraternidade e a entrega de premios que puxo o broche final a esta edición.
