As Festas de Santa Uxía tomaron o protagonismo en Ribeira esta fin de semana e o día grande, o sábado, houbo máis dun atractivo no municipio. Pola mañá a misa e procesión encheron as rúas de persoas que acompañaron á patroa polo municipio, e pola tarde foi a quenda da Ruada do Traxe Aires de Dorna, promovida pola Asociación Amas de Casa. 215 persoas luciron as súas vestimentas tradicionais galegas na sexta edición desta cita durante o pasarrúas.
