Hai negocios que teñen unha segunda vida despois de que os seus propietarios se xubilen. É o caso do boirense Estaleiros Triñanes que vén de mudar o seu nome a Samala Shipyard logo do cambio de propietario despois do retiro de Xerardo Triñanes. A conselleira de Economía e Industria, María Jesús Lorenzana, visitou esta mañá a sede para coñecer de primeira man este novo proxecto empresarial que considerou un exemplo da capacidade do sector naval para diversificarse e modernizarse.
