Despois de tres meses sen fútbol, regresa a Preferente por todo o alto. A campaña 2026-2027 arranca con grandes aspiracións para os equipos da comarca que disputan un ano máis a categoría. O Puebla repite despois de firmar a permanencia con marxe e de loitar nas últimas xornadas por meterse na fase de ascenso, e o Noia volve a competir nesta liga despois de descender da Terceira RFEF. E os dous farán o seu debut como visitantes.
