Ribeira despedirá agosto cunha das súas citas gastronómicas máis consolidadas. A duodécima Festa do Polbo de Palmeira celebrarase os días 29 e 30, con Veloso aos fogóns e prezos populares para poder degustar arredor dunha tonelada de polbo.
Pero o menú irá moito máis alá do cefalópodo. Mexillóns, empanadas e churrasco completarán a oferta nunha fin de semana pensada tamén para dinamizar a actividade económica e turística da parroquia.
