A natación en augas abertas volve ter unha cita en Boiro. A praia de Carragueiros será o escenario, o sábado 22 de agosto, da IX edición da travesía a Nado Illa da Bensa.
A proba forma parte do vixésimo segundo Circuíto Galego de Augas Abertas Arzúa Ulloa e contará con tres percorridos adaptados ás diferentes categorías.
Os adultos e máster deberán completar 3.500 metros, mentres que os alevíns afrontarán un percorrido de 1.000 metros e os máis pequenos, de 200.
