O río Lameira está a cambiar de aspecto. As obras de saneamento que se están a executar neste entorno permitirán retirar o antigo colector do leito do río e instalar un novo fóra del.
A actuación inclúe tamén un novo tanque de tormentas e melloras no sistema de bombeo, infraestruturas pensadas, para reducir o risco de vertidos, especialmente durante os episodios de choivas intensas.
O proxecto conta cun investimento de 4,1 millóns de euros e non se limita ao saneamento. A intervención contempla tamén unha senda peonil de 1,2 quilómetros, a eliminación de elementos degradados e a creación de novos espazos públicos para a veciñanza.
