As primeiras medidas afectan ás instalacións municipais. Quedan fóra de servizo as duchas das praias e suspéndese o rego das zonas verdes, salvo en casos puntuais nos que sexa imprescindible.
Ademais, o Concello prohibe encher piscinas con auga da rede municipal e recomenda á veciñanza reducir o consumo. Entre as indicacións, aconséllase regar os xardíns só o tempo necesario e evitar facelo nas horas de maior calor para minimizar a evaporación.
O goberno local tamén pide revisar posibles fugas nas instalacións particulares e fai un chamamento á colaboración cidadá para facer un uso responsable da auga e garantir o abastecemento básico mentres continúe a situación de seca.
O Concello sinala que estas restricións teñen un carácter preventivo e estarán vixentes mentres as reservas de auga sigan comprometidas pola falta de precipitacións.
O CONCELLO DE RIBEIRA APLICA RESTRICIÓNS NO USO DA AUGA POTABLE DA REDE MUNICIPAL PARA GARANTIR ABASTECEMENTO DURANTE O VERÁN.O CONCELLO DE RIBEIRA APLICA RESTRICIÓNS NO USO DA AUGA POTABLE DA REDE MUNICIPAL PARA GARANTIR ABASTECEMENTO DURANTE O VERÁN
