Queda pouco máis de nove meses para que remate a lexislatura polo que a veciñanza da comarca deberá votar en maio do 2027 nas vindeiras eleccións municipais. Este mandato foi convulso en diferentes municipios, como pode ser o caso de Noia. Hai case un ano que houbo cambio de Goberno logo de saír adiante a moción de censura presentada por PSOE, Marea, BNG e o concelleiro non adscrito Luis Alamancos. PP e NOIA abandonaron o Executivo e un dos seus representantes, José Pérez, fixo balance do vivido ata o momento nesta lexislatura.
