O verán é a época por excelencia dos deportes ao aire libre e esta fin de semana o Club Santa Baia organizou o xa tradicional 3×3 Concello de Boiro. Máis dun centenar de xogadores de todas as idades participaron nesta cita chea de emocións, baloncesto e grandes partidos. Este ano houbo novidades, a principal que a competición se trasladou ao paseo marítimo de Barraña, converténdose no epicentro do 3×3 xa que este torneo está dentro do circuíto galego desta modalidade.
