Afundación, a Obra Social Abanca, presentou en Ribeira unha nova campaña de sensibilización ambiental. O lugar elixido foi a entrada do mercadiño, no Malecón, xa que o lema é “Mercados sen lixo” e está enmarcada no Plan de Conservación Territorial-ON cuxo obxectivo é fomentar a prevención e correcta xestión de residuos nos mercados ambulantes para evitar que cheguen ao mar.
