Finalizou con éxito a XXVI edición do Gran Trofeo Faro de Corrubedo-Regata Ramiro Carregal Rey, organizada polo Real Club Náutico de Portosín en colaboración o Club Náutico de Ribeira, cunha ampla participación de embarcacións chegadas de distintos puntos de Galicia.
Tras unha primeira xornada de travesía costeira entre as rías de Muros e Noia e Arousa, o domingo disputáronse as mangas técnicas barlovento-sotavento, nas que a néboa chegou a dificultar por momentos a navegación.
Na clasificación final da categoría Regata, o triunfo foi para o Bon III, de Víctor Carrión, do Club Náutico Punta Lagoa, seguido do Peperetes Nortemar e o Corsario Thunder.
En Crucero/Regata, o primeiro posto foi para o Orión, mentres que en Crucero a vitoria foi para o Bacor, completando o podio o Escora e A Píllara.
Ademais, o Bon III renovou para o Club Náutico de Ribeira a permanencia do Gran Trofeo Faro de Corrubedo, un recoñecemento ligado á súa clasificación e ao desempeño global na competición.
O Bon III confirma así o seu dominio na regata e deixa Ribeira cun novo triunfo para a vela galega nunha das probas máis destacadas do calendario autonómico.
