A andaina de O Porto do Son volveu reunir a amantes do sendeirismo e do deporte ao aire libre. Os participantes puideron escoller entre dous percorridos: o longo de 25km, e o curto de 15km, máis accesible para aqueles que se atopan en fase de iniciación.
Esta proba, integrada na Liga Galega de Andainas, busca cada ano poñer en valor o deporte, a natureza e o traballo colectivo.
No que respecta á clasificación xeral da andaina máis rechamante, de 25km, na categoría feminina a vencedora foi Sofia Fajardo, seguida de Eva del Río e María del Carmen Martínez. Na masculina, encabezou a clasificación Víctor Luís García, seguido de Antonio Fojón e Pablo Blanco.
Dende a organización, destacan a gran participación e o éxito do evento, así como tamén a colaboración de diversas entidades como a Fundación Galega de Montañismo e a Cruz Vermella de Noia, quenes reforzaron o dispositivo de seguridade durante a proba.
Unha xornada que mostrou, un ano máis, como o deporte, natureza e comunidade son unha gran combinación.
