O Hotel Monumento San Francisco de Santiago abriu as súas portas a tarde do luns para a entrega do Premio Internacional Ramiro Carregal de Investigación en Cardioloxía, dotado de 30.000 euros. Foi a sétima edición dun galardón que se consolida en Galicia como referente e que certifica á comunidade na vangarda desta disciplina. Este ano a doutora Sonia Eiras foi premiada pola súa investigación sobre a graxa epicárdica. O propio Ramiro Carregal entregou o galardón á investigadora, líder do grupo de Cardioloxía Traslacional no Instituto de Investigación Sanitaria, IDIS.
