A Praza de Galicia volverá ser o punto de partida da andaina solidaria «Boiro, en marcha contra o cancro», organizada pola Asociación Española Contra o Cancro de Boiro.
A actividade desenvolverase o domingo 21 de xuño a partir das 11:00h cun percorrido circular de cinco quilómetros que levará aos participantes por distintos espazos emblemáticos do municipio, como o paseo do río Breiro, o paseo marítimo de Barraña e o estuario do río Coroño.
