A saída terá lugar no Liceo Marítimo de Bouzas, na ría de Vigo, con destino á ría de Muros e Noia, nunha travesía dividida en dúas etapas nas que 20 unidades izarán velas nunha competición moi esperada.
A competición recupera ademáis o Campionato Galego de Solitarios, unha modalidade que levaba anos sen disputarse en Galicia. Na regata participarán tamén embarcacións das categorías A2 e A3, con dous e tres tripulantes respectivamente.
A regata estará dividida en dúas xornadas: unha de subida e outra de baixada. Ambas abranguerán un total de 100 millas náuticas, ou o que é o mesmo, cerca de 200 quilómetros recorridos por mar.
A frota navegará por algúns dos espazos máis emblemáticos da costa galega, como as Illas Cíes, Ons, Sálvora ou o paso de Sálvora cara á ría de Arousa, nun trazado marcado tanto pola esixencia deportiva como pola beleza paisaxística.
A chegada estará situada en Portosín, onde está previsto que os primeiros veleiros crucen a meta ao longo do domingo.
