O Centro Cultural Lustres Rivas foi unha vez máis o epicentro da cultura de Ribeira. Onte abriu as súas portas para a presentación da novela gráfica “A tese de Margot”, de Alba Ceide e Óscar Losada. É unha obra biográfica coa que queren achegar a vida e a traxectoria da filóloga alemá Margot Sponer, quen investigou a lingua galega a comezos do século XX. Pero preséntase dunha forma diferente xa que vai da man da debuxante de banda deseñada Alba Ceide e do xornalista Óscar Losada.
